KZ
2026 жылғы 12 мамыр күні №46 «Балбұлақ» бөбекжайымызда Облыстық «Жасыл балабақша – табиғатты аялау мен сүйіспеншілікті тәрбиелеу жолы» тақырыбында тәжірибе алмасу воркшопы өткізілді .
Іс-шараның мақсаты – мектепке дейінгі ұйымдарда экологиялық тәрбие беру бағытында тәжірибе алмасу, табиғатты қорғауға деген сүйіспеншілікті қалыптастыру және «Жасыл балабақша» жобасын дамыту болды.
Воркшопқа мектепке дейінгі ұйымдардың әдіскерлері мен тәрбиешілері қатысты. Іс-шара барысында қатысушылар тіркеліп, әртүрлі бағыттағы ұйымдастырылған іс-әрекеттер мен шеберлік сыныптарға куә болды.
Бағдарламаға сәйкес:
- Педагог-психолог Құрманғазина Гүлшат Құрманғазықызы «Табиғи қалдықтан – жаңа туынды» тақырыбында көрме ұйымдастырды;
- Тәрбиеші Муратова Данагүл Ахметжанқызы ересек топта «Табиғат – тіршілік бесігі» тақырыбында ұйымдастырылған іс-әрекет көрсетті;
- Тәрбиеші Акоразова Эльмира Сембаевна «Орман достары» тақырыбында ашық іс-әрекет өткізді;
- Бейнелеу өнері тәрбиешісі Сельченкова Екатерина Ивановна «Умные штучки из мусорной кучки» атты шеберлік сыныбын ұйымдастырды;
- Әдіскер Кобланова Алима Реджеповна «Бөбектер мекендеген жасыл бөбекжай» тақырыбында бейнефильммен таныстырды.
Іс-шара соңында пікірталас өткізіліп, қатысушылар өз ойларымен бөлісіп, кері байланыс жасады. Воркшоп қорытындыланып, бағалау жүргізілді.
Аталған шара педагогтардың кәсіби шеберлігін арттыруға, экологиялық мәдениетті қалыптастыруға және тәжірибе алмасуға үлкен мүмкіндік берді.
